РЕШЕНИЕ ЗА РЕГИСТРАЦИЈА НА ЗДРУЖЕНИЕТО
ОД ОСНОВНИОТ СУД ВО ОХРИД

Рег.Згфа.бр.18/2000

ОСНОВНИОТ СУД ОХРИД, како вонпроцесен првостепен суд, составен од претседателот на судот Љубин Алексиески, како судија поединец, со записничарот Слободанка Спасеска, постапувајќи по барањето на предлагачот: Здружението на граѓани „Радко" - Охрид, за упис во Регистарот на здруженија на граѓани и фондации на ден 19.06.2000 година, го донесе следното:

РЕШЕНИЕ

Барањето на предлагачот СЕ УСВОЈУВА.
Во Регистарот на здруженија на граѓани и фондации под Рег.Згф.Бр. 18/2000 се запишува Здружението на граѓани под име: Здружение на граѓани „Радко" - Охрид.
Здружението на граѓани има за цел: издигнување и афирмација на македонскиот културен простор, воспоставување на традиционалните морални и човечки доблести, афирмација на македонското ослободително движење, преку издавање на сопствен весник, издавачка дејност, семинари, конференции, трибини и други културни форми на дејствие.
Седиштето на здружението е на ул.,,Галичица" бр. 47-2/4 во Охрид, каде и дејствува.
Овластено лице за застапување на здружението е Владимир Паунковски.

ОБРАЗЛОЖЕНИЕ

Предлагачот до Основниот суд Охрид, достави барање за запишување на Здружението на граѓани во Регистерот на здруженија на граѓани и фондации. Во прилог достави: акт за основање, Програма за дејствување, Статут и Овластување за застапување. По извршениот увид во приложените исправи судот утврди дека здружението ги има доставено предвидените акти од член 44 став 2 од Законот за здруженија на граѓани и фондации.
При ваква утврдена состојба согласно одредбите од член 45 од Законот за здруженија на граѓани и фондации следуваше да се одлучи како во изреката на Решениево.

ОД ОСНОВНИОТ СУД ОХРИД
на ден 19.06.2000 год.

ЗАПИСНИЧАР
Слободанка Спасеска, с.р.

ПРЕТСЕДАТЕЛ НА СУДОТ
Љубин Алексиески, с.р